Við getum aðstoðað þitt fyrirtæki að ná betri árangri með fagmannlegri og markvissri auglýsingagerð, ásamt því að veita aðstoð við markaðssetningu.

Spektrum auglýsingastofa var stofnuð árið 2022 og býður upp á metnaðarfulla og árangursmiðaða þjónustu þar sem starfsmenn hafa yfir 20 ára reynslu úr hönnunar- og útgáfugeiranum. Okkar drifkraftur felst í skapandi vinnu með áhugaverðum viðskiptavinum og góðum hugmyndum.

Spektrum er lítil auglýsingastofa sem sinnir sínum kúnnum vel og verkefnin geta verið stór og smá, fjölbreytt og náð yfir breitt svið hönnunar.

Hafa samband

Hönnunarferlið er leitt áfram af staðfestu og öryggi, persónulegri þjónustu og sveigjanleika, þegar kemur að þínum óskum.

Ari S. Arnarsson I hönnunarstjóri

Reynslubolti á sviði hönnunar og hefur unnið meðal annars á nokkrum af stærri og virtari auglýsingastofum innan SÍA. Ari er fjölhæfur, nákvæmur og lausnamiðaður hönnuður með yfir 17 ára reynslu af stórum sem smáum verkefnum. Ari útskrifaðist árið 2010 með B.A. gráðu í Grafískri hönnun frá LHÍ.

Ísar Logi Arnarsson I ráðgjafi

Frumkvöðull með mikla reynslu af margvíslegri útgáfu, rekstri og viðburðastjórnun. Ísar Logi hefur sinnt fyrirtækjarekstri, textasmíð, ljósmyndun, blaðahönnun, ritstjórnarstörfum, vefsíðugerð, viðburðahaldi, fjölbreyttri skapandi hugmyndavinnu og hefur látið að sér kveða í íslenska tónlistarheiminum. Ísar hefur stundað háskólanám m.a. í sálfræði og tölvufræði, og er sjálflærður í viðskiptum.

Kjörorð okkar eru metnaður, persónuleg og hnitmiðuð þjónusta, auk þess að leggja áherslu á traust og gott samstarf.

Hérna eru helstu þjónustuþættir Spektrum. Við greinum vandamálin og finnum farsælar lausnir í uppbyggilegu samstarfi. Við sköpum verðmæti fyrir kúnna okkar og einföldum allt markaðsstarf.

Mörkun

Fyrirtæki þurfa að skapa sér sérstöðu. Fyrir hvað stendur fyrirtæki þitt á fjölbreyttum markaði? Gott vörumerki þarf að hafa eitthvað að segja og tala til neytenda. Spektrum auglýsingastofa sér um allt ferlið, frá rannsóknarvinnu til framkvæmdar í samvinnu við þitt fyrirtæki. Niðurstaðan þarf að vera sterkt vörumerki og falleg heildarásýnd.
– Skoða hönnunarstaðal Spektrum

Markaðsefni

Við lifum í heimi sem þróast hratt og leiðir til að ná athygli neytenda eru margvíslegri en nokkru sinni fyrr. Við hjálpum þínu fyrirtæki að miðla mikilvægum skilaboðum og tala til markhópsins á tungumáli sem hann skilur. Við tökum m.a. að okkur hönnun vefborða, vefsíðna, tímarita, bæklinga, umbúða, skjáauglýsinga, vörumerkinga, bílamerkinga og plötuumslaga. Við getum séð um alla textagerð eða tekið að okkur prófarkalestur. Við framleiðum markaðsefni fyrir alla helstu miðla, hvað sem þeir heita.

Ráðgjöf

Ráðgjöf okkar byggist á skapandi samtali og hugmyndavinnu þar sem vandamál eru skilgreind og árangursrík lausn er fundin. Hverjar eru væntingar viðskiptavinarins, hver er markhópurinn og hver eru helstu gildi og markmið? Ítarleg rannsóknarvinna fylgir í kjölfarið þar sem allir krókar og kimar eru skoðaðir. Að samþykki loknu getur vinnuferlið hafist.
– Skoða hvernig við hugsum og vinnum

Ljósmyndun

Góð mynd segir sögu og eykur möguleika á framsetningu í auglýsingagerð. Þarf fyrirtæki þitt góðar myndir af húsnæði og skrifstofu, starfsmönnum eða þarf að taka vörumyndir eða einfaldar auglýsingamyndir fyrir herferð? Við sjáum um ljósmyndun og eftirvinnslu fyrir stór sem smá verkefni.
– Skoða ljósmyndir

Myndvinnsla

Spektrum auglýsingastofa tekur að sér margvíslega myndvinnslu, m.a. litgreiningu, lagfæringar á gömlum ljósmyndum og samsetningu á ólíku myndefni. Við erum ansi klárir í Photoshop og getum breytt, bætt og lagfært allt milli himins og jarðar. Auk þess undirbúum við myndir til birtingar á prenti eða stafrænt.
– Skoða dæmi um myndvinnslu

Hljóðvinnsla

Hljóðbútar, tónlistarstef og umhverfisvænir tónar. Við getum skapað hljóð fyrir allskonar miðla, hvort sem það eru auglýsingar, kvikmyndir, heimasíður, útvarp eða sjónvarp. Okkar hljóðhönnun byggist á samsetningu á vettvangsupptökum, meðhöndlun á hljóðum úr hljóðsarpi (sampler) og notkun hljóðgervla (synthesizer).
– Hlusta á hljóðdæmi

Deildu síðunni með öðrum snillingum!